கல்யாணக் கனவுகள் | Kalyana Kanavugal | Author-அருவி

எல்லா பெண்களையும் போல, தன்  திருமண வாழ்க்கையை பற்றியும், தன் வருங்கால கணவனை பற்றியும்  மனதில் பலவித கனவுகளோடு , கல்லூரியில் படித்துக் கொண்டிருப்பவள் நம் நாயகி. ஆனால் அவளின் எதிர்பார்ப்புகளுக்கு அப்பாற்பட்டவன் நம் நாயகன்.  சிறுவயதில் இருந்தே பெண்கள் மீது கொண்ட வெறுப்பால், தனக்கு திருமணமே வேண்டாம் என்று பிடிவாதமாக  இருப்பவன். சந்தர்ப்ப சூழ்நிலையால்  நாயகனின் கரம் பிடிக்கிறாள்  நம்  நாயகி.  எதிர்பாராத இந்த  திருமணம் அவளுக்கு கடைசிவரை நிலைக்குமா? அந்த இரும்பு மனிதனின் இதயத்தை வென்று,  தன் கல்யாண வாழ்க்கையை தக்க வைத்துக் கொள்வாளா இல்லை, நாயகனின் வெறுப்பை தாங்க முடியாமல் அவனை விட்டு பிரிந்து செல்வாளா?  அவளின் கல்யாணக் கனவுகள் பலிக்குமா?!. குடும்பம், காதல், ஊடல் நிறைந்த  யதார்த்தமான காதல் கவிதை தான்,  இந்த "கல்யாணக் கனவுகள்". Only on Pocket Novel!

தன் திருமண வாழ்க்கையை பற்றி எல்லாப் பொண்ணுங்களுக்கும் பல கனவுகள் இருக்கும். தனக்கு வரப் போற கணவன்  எப்படி இருக்கனும்  அவன் தன்னைய எப்படி எல்லாம்  பாத்துக்கனுமுன்னு நிறைய ஆசைகள் இருக்கும். அதே மாதிரியான ஆசைகள் கொண்ட ஒரு சராசரி பெண் தான் நம் நாயகி கயல். ஆனால் அவளின் எதிர்பார்ப்புகளுக்கு அப்பாற்பட்டவன் நம் நாயகன் அர்ஜுன்.  சிறு வயதில் ஏற்பட்ட கசப்பான அனுபவத்தால் பெண்கள் என்ற வார்த்தையை கேட்டாலே வெறுக்கிறான் அர்ஜுன். கயல் மிகவும் குறும்புக்காரி, வாயாடி. அவளுக்கு நேர் எதிரானவன்  அர்ஜுன். யாருடனும் அதிகம் பழக மாட்டான்.  காதலித்து தான் திருமணம் செய்வேன் என்ற கொள்கை கொண்டவள் கயல். தனக்கு திருமணமே வேண்டாம் என்று பிடிவாதமாக  இருப்பவன் அர்ஜுன். அர்ஜுனின் தாத்தா வேத விநாயகம் தன் பேரனுக்கு எப்படியாவது  திருமணம் செய்து வைத்துவிட வேண்டும் என்று உறுதியோடு இருக்கிறார். அவருக்குத் துணையாக அர்ஜுனின் நண்பன் கோகுலும், அர்ஜுனின் தம்பி பரத்தும் இருக்கிறார்கள். இவர்கள் இருவருமே தாத்தாவிற்கு அடுத்தபடியாக அர்ஜுனின் நலனில் அக்கறை கொண்டவர்கள்.  அர்ஜுனின்  சித்தி பார்வதி அவனை ஒழித்த கட்டிவிட்டு அவனின் சொத்துக்களை  தன் மகன் மற்றும் மகள்கள் ஆள வேண்டும் என்று நினைக்கிறாள். அதற்கு இடையூறாக வருகிறாள் கயல். நாயகன் மற்றும் நாயகியின் முதல் சந்திப்பே மோதலில் தான் ஆரம்பிக்கிறது. தன் அக்காவின் வாழ்க்கையை காப்பாற்றுவதற்காக  தனக்கு பிடிக்காத  அர்ஜுனை,  கரம் பிடிக்கிறாள் கயல்.  திருமணத்திற்கு பின் அர்ஜுனை பற்றி உண்மைகள் தெரிந்ததும் அவன் மீது காதல் கொள்கிறாள்.  தன் கணவனின் கடந்த கால வாழ்க்கையை பற்றிய உண்மைகளை கண்டு பிடித்து தன் புகுந்த வீட்டில்   உள்ளவர்களின் வாழ்வில் இருக்கும் பிரச்சனைகளை சரி செய்து, குடும்ப  எதிரிகளால் தனக்கும் தன் கணவனுக்கும் இருக்கும் ஆபத்துகளை அதை சமாளித்து, பெண்கள் எல்லாம் தவறானவர்கள்  என்ற  அர்ஜுனின் எண்ணம் தவறு என்பதை அவனுக்கு உணர்த்தி, தனக்கு ஏற்ற துணையாக அவனை   மாற்றி தான் கண்ட கல்யாணம் கனவுகளை எப்படி கயல் நிறைவேற்றிக் கொள்கிறாள் என்பதே கதையின் கரு.  


