நீதான் எந்தன் ஒளி விளக்கு | Neethan Enthan Oli Vilaku | Author - சிந்து பாரதி 

EmergingStarsWritingContest

வாழ்க்கை பயணத்தில் பல்வேறு சமயங்களில் நாம் தவறான முடிவுகளை தேர்ந்தெடுப்போம். அவ்வாறு சில தவறான முடிவுகளால் தடம் மாறிப் போன ‘இயலினி’ வாழ்வில் நிகழ்ந்தது என்ன? தன் இயலை மீட்க போராடும் தோழிகளின் கதை இது! இலக்கே இல்லாத இளைஞனை, காதல் என்னும் பேராற்றல் மாற்றப் போவது எப்படி? இயலினியின் இருண்ட வாழ்வில் ஒளி விளக்காக பிரகாசிக்க போவது யார்? 

தெரிந்துகொள்ள வாசியுங்கள் பாக்கெட் நாவலில்...


‘காதல்’ இந்த உலகத்தையே ஆளும் சர்வ வல்லமை படைத்த ஆற்றல். நாணயத்தின் இரு பக்கம் போல, எல்லா விடயங்களிலும் நன்மையும் தீமையும் கலந்தே இருக்கும். நம் கதையின் நாயகி இயலினியின் வாழ்விலும் காதலெனும் பேராற்றல் இருவகையான மாற்றங்களை உருவாக்க போகிறது.‌ காதலால் அழிந்த அவளை காதலே மீட்க போகிறது. அவளை காதல் எவ்வாறு அழித்தது? அவள் வாழ்வை புயலாக மாற்றியது யார்?‌ தன்னையே மறக்கும் கொடுமை அவளுக்கு‌ ஏன் நிகழ்ந்தது? எதனால் நிகழ்ந்தது? இவ்வாறாக, புயலில் சிக்கிய தன் தோழியை மீட்க போராடும் இரு தோழிகளின் வைராக்கியமே இக்கதை! தோழிக்காக போராடும் போர்களத்தில் அவர்கள் இழந்தவை என்ன? இந்த தோழிகளின் வாழ்வில் வசந்தம் வருமா?

பண கஷ்டம் தெரியாமல் கிராமத்தில் வளர்ந்தவன், சமூகத்தின் கோட்பாடுகளில் சிக்கிக் கொண்டு தவிக்கிறான். படிப்பிலும் வேலையிலும் பெற்றோரை சந்தோஷப்படுத்த முடியாமல் போக, எதையாவது செய்து தன்னை நிரூபித்துக் காட்ட நினைக்கிறான். இலக்கே இல்லாம் பயணிக்கும் ஓர் இளைஞனுக்கு வழிகாட்டியாக மாறும் நண்பனின் அன்பை இக்கதை கூறும்! தோல்வியை மட்டும் ருசித்த அவனை வெற்றி பாதைக்கு மாற்றப் போவது யார்? காதல் என்னும் பேராற்றல் இவன் வாழ்வில் மாயம் செய்யப்போவது எப்படி? தன்னை ஒரு பொருட்டாக மதிக்காத குடும்பத்தை விட்டு விலகும் முடிவில் அவன் சந்திக்க போகும் சாவல்கள் என்ன? 

காதலும் காதல் சார்ந்த விடயங்களும் இந்த கதையை அழகாக மாற்றப் போகிறது! நட்பால் நம் உள்ளத்தை கொள்ளை கொள்ள போகிறது.. நட்போ காதலோ அன்பே ஓர் உறவின் மூலதனம் என்னும் உணர்வு சத்தமாக சொல்லப்போகும் கதை தான் இது! ‘நீதான் எந்தன் வாழ்வின் ஒளி விளக்கு’ யார், யார் வாழ்வில் ஒளி விளக்கு என்பதை தாண்டி, காதலே இருளாகவும் காதலே வெளிச்சமாகவும் விளங்குகிறது. காதலில் சுயநலமாக சிந்திக்கும் மனிதாபிமானமற்ற ஒருவனை இக்கதை படம் பிடித்துக் காட்ட போகிறது. இந்த கதையில் பல்வேறு வகையான காதல்கள் உள்ளன. வெவ்வேறு வகையான காதலில் பயணிக்க, கதையோடு உறவாடுங்கள்..
