உன்னைக் கொடு என்னைத் தருவேன் | Unnai Kodu Ennai Tharuven | Author - Usha Ramesh

இது பாக்கெட் நாவலில் என் முதல் படைப்பு. கற்பூர புத்தி கொண்ட நாயகியின் வாழ்க்கையில் திருமணம் என்ற பெயரில் புயல். புரிதல் இல்லா தாம்பத்தியம் மீட்ட இயலா வீணை. மனங்கள் இணையா வாழ்வில் மணம் ஏது...அன்பு நிராகரிக்கப் பட பள்ளத்தை நோக்கி பாயும் நதி...கட்டுப்படான சூழலில் வளர்ந்த நாயகி..காணும் விஷயங்களை எல்லாம் கிரகித்து கொண்டவள் கணவனின் பாராட்டும் அரவணைப்புக்கும் ஏங்கி தவிக்கும் நிலை, சாதாரண இல்லத்தரசி அவதாரம் தரிக்க தாம்பத்ய வாழ்க்கை ஒரு கட்டத்தில் கசந்து விடுகிறது. மணமுறிவு அவளுக்கு மகிழ்ச்சி தந்ததா...எதிர்பார்த்த சந்தோஷத்தை எட்டினாளா நாயகி....நாயகியை பிரிந்த கணவனின் நிலை என்ன... இந்த கேள்விகளுக்கு விடையாய் பயணிக்கும் கதை. உன்னைக் கொடு...என்னைத் தருவேன்.

கட்டுப்பாடான குடும்ப சூழலில் வளர்க்கப்படும் நாயகி. பன்முகத் திறமை பெற்றவள். பார்த்ததை எல்லாம் கிரகித்து கொள்ளும் ஆற்றல் பெற்றவள். வாழ்க்கையில் பிரகாசிக்கும் ஆர்வம் உடைய பெண். முதல் முறையாக காதலில் விழுந்து அது தோல்வி அடைகிறது. பெற்றோர் அமைத்த திருமணம் நடந்து வெளிநாட்டு வாழ்க்கை. படிப்படியாக அந்த கலாச்சார மாற்றம் அவளுள் மாற்றங்கள் விதைக்க கூட்டுக் குடும்பத்தில் வளர்ந்த கணவனின் பின்னணி எரிச்சல் ஏற்படுத்த அடுத்தடுத்து பிள்ளைப்பேறு சராசரியான குடும்பத் தலைவி அவதாரம் என மணவாழ்க்கை சலிப்பூட்ட மணவிலக்கு பெறுகிறாள். இடையே அவள் கருத்துக்களை ஒத்த ஒருவனை சந்தித்து அவனோடு வெளியேறுகிறாள். மணவிலக்கு பெற்று பிள்ளைகளை அழைத்து கொண்டு வெளியேற பிரச்சினை பிள்ளைகள் ரூபத்தில் வருகிறது. புதிதாக வந்த நண்பனுக்காக தன்னை மாற்றாக் கொள்ளும் அவளுக்கு வாழ்க்கையில் ஏற்படும் சவால்களை எப்படி சமாளிக்கிறாள் என்பதே கதை. கணவனை பிரிந்து தனிமையில் வாழும் அழகான பெண் சமூகத்தில் எந்தவிதமான போராட்டங்களை எதிர்கொள்ள வேண்டி இருக்கிறது என்பதையும் நண்பனாக வருகிறேன் என்பவனின் உண்மை உருவம் தெரிய வரும் போது அவளுக்கு ஏற்படும் அதிர்ச்சி அவளை எவ்வளவு தாக்குகிறது என்பதையும் சுற்றி கதையின் நகர்வு. பதின்ம வயது மகன்கள் தாயின் உணர்வுகளை பார்க்கும் கண்ணோட்டம். தனிப்பட்ட விருப்பமா பிள்ளைகள் வாழ்வா என அவளின் மனப் போராட்டம். இத்தனைக்கும் நடுவில் தன் துறைகளில் அவளின் சாதனைகள். வெற்றி இலக்கைத் தொடும் நாயகி. மனைவி குழந்தை களைப் பிரிந்த கணவனின் உணர்ச்சி போராட்டம். கணவன் மனைவி பிரச்சினை மணவிலக்கில் முடியும் போது பாதிப்பு இருவரீக்கு மட்டும் அல்ல. இரண்டு குடும்பத்திற்கும் தான். நாலு சுவற்றுக்கு நடுவே நடக்கும் தாம்பத்திய வாழ்க்கையின் விஷயங்கள் அம்பலத்துக்கு வரும் பொழுதும் அவ்வளவு அவ்வளவு நாட்கள் இணைந்து வாழ்ந்த வாழ்க்கையை கேள்விக்குறியாகிறது சின்ன சின்ன விட்டுக்கொடுத்தல்களும் புரிதல்களும் வாழ்க்கையை எவ்வாறு அழகுப்படுத்திக் கொண்டே செல்கின்றன என்பதை நாயகனும் நாயகியும் உணரும் பொழுது காலம் கடந்து விடுகிறது இருவரும் தங்கள் தவறுகளை உணர்ந்து திருத்திக் கொள்ள முயன்றார்களா? வாழ்வில் மீண்டும் இணைந்தார்களா அவர்களால் அவர்களுடைய குழந்தைகளின் வாழ்க்கை எந்த அளவுக்கு பாதிக்கப்பட்டது ஒரு பெண்ணை அடக்கி அடக்கி வைக்க பாட்டிலை மோடியை திறந்தது போல அவளுடைய உணர்ச்சிகள் கட்டுக்கடங்காமல் எப்படி வெளியேறும் என்பதை சித்தரிக்கும் கதை ஆணைப்போல பெண்ணுக்கும் மனசும் அதற்கேற்ற ஆசைகளும் உண்டு எப்பொழுதும் அவளால் கூட்டுக்குள் நிற்க முடியாது அவள் கோடுகளை மீறும் பொழுது நடக்கும் விளைவுகளை சொல்வதே இந்த கதை

